Wo de Bezeichnung Hianzisch heakummt is umstrittn. De easchtn Belege fia dees Wort kumma ausn 18. Joahundat. Im "Almanach von Ungarn auf das Jahr 1778" steht, dees Hienzey warad "eine Landschaft 6 Meilen lang und soviel breit, in der Gegend um Güns herum. Die Inwohner sind Ueberbleibsel von den alten Gothen, haben ihre besondere Sprache, und ihre Trachten. Die Weiber tragen meist schwarze Kittel mit vielen Falten. Die Männer meist weiße Röcke und einen runden herabgelassenen Hut." Es kennt vo "Gfoigsleit vom Heinrich" (entweda vom Heazog Heinrich II. oda vom Güssinga Grafn Heinrich bzw. Henz) haßn oda vo „hianz“ (jetzt) heagleidd sei. 1921 häd des domois neie österreichische Bundesland fost in Naum "Heinzenland" griagt stott Buagnlaund, noch da Sproch Hianzisch. [Quelle: Wikipedia]